Link açıqlığı

Ukraina baş prokuraturası Ahtem Çiygoznı qanunsız alda azatlıqtan marum etüv boyunca işni açtı


Rusiyeniñ Poloniyadaki elçihanesi yanında narazılıq aktsiyası, 2015 senesi fevral 1 künü

Baş prokuratura Qırımtatar Milliy Meclisiniñ reis muavini Ahtem Çiygoznıñ qanunsız yaqalanması boyunca cinaiy taqiqatqa başladı.

Bunı onıñ matbuat hızmeti bildire.

Fevral 3-te Ukraina baş prokuraturası Ukraina Cinaiy kodeksiniñ 146-ncı maddesiniñ 2-nci qısmı boyunca Qırımtatar Milliy Meclisiniñ liderlerinden birini qanunsız alda azatlıqtan marum etüv boyunca cinaiy taqiqatqa başladı.

«Aqmescitniñ qanunsız alda meydanğa ketirilgen Kiyev rayon mahkemesi onı (Ahtem Çiygoznı – muar.) apiske aldı. Mezkür areketler Ukraina Anayasası vatandaşnıñ belgilegen areket serbestligi ve aqlarını bozmaqta», – aytıla beyanatta.

Ahtem Çiygoz yanvar 29-da yaqalandı. Rusiye Taqiqat komitetiniñ resmiy vekili Vladimir Markin bildire ki, Çiygoznı «kütleviy numayışnı teşkil etüv ve iştirak etüvde» şekleyler.

Onıñ aytqanına köre, 2014 senesi fevral 26-da Aqmescitteki Qırım parlamentiniñ binası yanında keçirilgen narazılıq aktsiyası aqqında laf kete.

Aqmescitniñ Kiyev rayon mahkemesi Çiygoznı 2015 senesi fevral 19-na qadar apiste qaldırdı.

Qırımtatar Milliy Meclisiniñ reisi Refat Çubarov Çiygoznıñ yaqalanmasını izaatlap, Qırımda qırımtatar milliy areketiniñ faallerine yapılğan basqınıñ yañı basamağı başlanğanını ayttı.

XS
SM
MD
LG