Link açıqlığı

Qırımtatarlarnıñ milliy yetekçisi, Ukraina prezidentiniñ qırımtatar halqınıñ işlerinden vekâletlisi Mustafa Cemilev Yaltada «büyük üçlükke» (İosif Stalin, Franklin Ruzvelt ve Winston Çerçillge) abideniñ qoyulmasını tarik olaraq adladı.

«Qırımda çoq şey tarik içün etile, Stalinge abideniñ qoyulması da şu sıradan. Amma aselet yapılmasa kerek. Halqnıñ ruhu öyledir – faşist, stalin ruhu. Stalinge, Yekaterinağa abide qoymaq – Rusiye şovinistleriniñ daimiy istegidir», – dep bildire Cemilevniñ sözlerini onıñ matbuat hızmeti.

Fevral 5 künü Livadiya sarayında «büyük üçlükke» – Yalta konferentsiyasında iştirak etken devlet başları: İosif Stalin, Franklin Ruzvelt ve Winston Çerçillge qoyulacaq abideniñ açılış tebdiri keçirilecektir. Bundan evel abideni Volgogradda yerleştirecek ediler, amma şeer ve vilâyet akimiyeti öyle de añlaşıp olamadı, şunıñ içün abide Zurab Tsereteliniñ ustahanesinde qaldı.

Qırım toplulığınıñ bu aqta fikri ekige bölündi: bazıları bunı tarihiy vaqia olaraq saya, digerleri – «stalinizmniñ canlandıruvı» dep, qarşı çıqa.

XS
SM
MD
LG