«K-telekom» operatorı Qırımda LTE (4G) dört stantsiyasını açtı. Bu aqta Roskomnadzornıñ Rusiyede 4G inkişafı boyunca esabatında aytıla, dep haber ete Qırım «ükümeti»niñ matbuat hızmeti.
Bıltır Radiosıqlıqlar boyunca devlet komissiyası Qırım operatorına mezkür sıqlıqlarnı ayırğan edi.
«Rusiye Federatsiyasında 4G ağı endi bir qaç yıl bardır, Qırım da artta qalmamaq kerek», – dedi Qırım «baş nazir muavini» Dmitriy Polonskiy.
Evel Roskomnadzor başı Aleksandr Jarov GSM-sıqlıqları işğal etilgen Qırımda mezattan satıla bilecegi aqqında bildirgen edi.
2014 senesi mart ayında Rusiye Qırımnı zapt etkeninden soñ, yarımadada ukrain operatorlarınıñ işi toqtatıldı.
