Link açıqlığı

Ermenistan Rusiyeden kütleviy öldürüvde qabaatlı olğan askerniñ teslim etüvini talap ete


Ermenistan Rusiye arbiy bazası yerleşken Gümri şeerinde yaşağan aileniñ yedi azasını öldürgen askerni teslim etmege talabı ile Rusiyege muracaat etti.

Ermenistan baş prokurorı Gevork Kostanân öz Rusiye zenaatdaşı Yuriy Çaykanı Rusiye arbiyi Valeriy Permâkovnı Ermenistan SİZOsına teslim etmege çağırdı.

Bu aqta malümat fevral 3 künü peyda oldı. Aynı şu künü İnterfaks Rusiye haber agentligi Permâkov Gümri şeerinde yerleşken Rusiye arbiy bazasında makeme etilecegi aqqında bildirgen edi.

Aileniñ öldürüvi, şu cümleden 2 yaşında qızçıq ve altı aylıq oğlançıqnıñ ölümi sebebinden, insanlar qabaatlı şahısnı Ermenistanda mahkeme etmek talabı ile narazılıq numayışlarına çıqa edi.

XS
SM
MD
LG