ATR-72 uçağı 58 yolcu ile ava limanından köterilip, birazdan Tayvan paytahtı Taybeyde qazağa oğradı
Yerli matbuat vastalarınıñ beyanatına köre, TransAsia ava şirketiniñ uçağı köpürniñ tiremelerine tiyip, özenge tüşti.
Olğan malümatqa binayen, eñ azından 9 insan vefat etti, daa 33 ğayıp oldı. Qurtarıcılar suvdan 16 sağ qalğan insannı çıqardılar.
Qurtarıcı ameliyatı devam ete, felâket sebepleri aqqında malümat yoq.
