Halqara toplulığınıñ esas qısmı Ukraina şarqında arbiy areketler – Rusiye ve Rusiye tarafından desteklengen separatistlerniñ işi olğanını añlay, dep bildirdi AQŞ Devlet departamentiniñ matbuat kâtibi Jen Psaki, haber ete Radіo Svoboda.
Onıñ sözlerine köre, AQŞ ileride de eki tarafnı vatandaşlarnıñ ölümine yol bermemek içün areket etmege çağıracaq.
«Halqara cemiyet azalarınıñ büyük bir qısmı istilâ esasen Rusiye ve Rusiye tarafından desteklengen separatistlerniñ işi olğanını añlay. Biz alâ daa eki tarafnı vatandaşlarnıñ ölümine yol bermemek içün areket etmege çağıramız»,– dep qayd etti Devlet departamentiniñ baş kâtibi.
Ukraina şarqında keçken sene aprel ayından, resmiy malümatqa köre, terrorizmge qarşı ameliyat keçe. Amma, işbu resmiy malümatqa baqmadan, bugünde-bugün Rusiyeniñ Ukrainağa qarşı açqan cenki aqqında aytalar. Soñ aftaları, Ukraina şarqında cebe yolağındaki vaziyet kerginleşti.
