Link açıqlığı

Qırımda yalıñız qırımtatarlarnıñ degil, ukrainlilerniñ aqları da sıñırlana – Lutkovskaya


Valeriya Lutkovskaya

İşğal etilgen Qırımda yalıñız qırımtatarlarnıñ degil, ukrainlilerniñ aqları da sıñırlana. Bunı Ukraina Yuqarı Radasınıñ insan aqlarından vekâletlisi Valeriya Lutkovskaya bildire, dep haber ete Radio Svoboda.

«Qırım televideniyesinde evelden dört olğan ukrain yayınından yalıñız bir danesini qaldırdılar. Qırım sakinleri içün ukrain tilli internet saytları blok etile. Şçelkino ve Keriçte ukrain mektepleri qapatıla. Qırımda yalıñız 4 ukrain mektebi qala, lâkin olarnıñ ukrain kelecegi şübe altındadır. Aqmescit şeeriniñ Ukrain gimnaziyasına basqı devam etmekte, anda ukrain tilinde ögretüv bayağı qısqartıldı», – dep qayd etti o.

Qırımda ukrain tilinde çıqqan kütleviy haber vastalarınıñ matbuat neşirleri, regional ve kommunal kütleviy haber vastalarınıñ ukrain tilinde malümatı aman-aman qalmadı, dep ayta Lutkovskaya.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG