Link açıqlığı

Saatnıñ esas haberi

Aqmescitte Skrâbinniñ mühlisleri aktsiyağa çıqtılar


Salı künü, fevral 3-te, Aqmescitte Kuzma Skrâbin kibi belli olğan Andriy Kuzmenkonıñ Qırım mühlisleri elâk olğan icracını añmaq içün birden eki yerde toplaştılar.

Qırım.Aqiqat mühbirleriniñ bildirgenine köre, Lenin meydanındaki aktsiyağa çeçekler ile kelgen 20 kişini «politsiya» birden quvdı.

«Politsiya» hadimleri jurnalistlerge foto ve video çıqarmağa yasaq ettiler.

Ekinci körüşüv başqa yerde keçirildi, iştirakçiler onı ilân etmediler, çünki em «politsiya», em de jurnalistlerniñ diqqatından qorqtılar.

Aqmescit rayonlarınıñ birinde balalar meydançığında tahminen 30 kişi toplaşıp, çıraqlardan «Kuzma» yazdı. Çıraqlarnı yaqıp, cep telefonlarında «Skrâbin» taqımınıñ bir qaç yırını açtılar.

Hatırlatamız, bazarertesi künü, fevral 2-de, Aqyarnıñ tahminen on sakini Taras Şevçenko eykeline kelip, elâk olğan Andriy Kuzmenkonı añmaq istedi.

Fevral 2-de Dnepropetrovsk vilâyetinde yüz bergen yol qazası neticesinde «Skrâbin» ukrain taqımınıñ lideri Andriy Kuzmenko elâk oldı.

XS
SM
MD
LG