Link açıqlığı

Rusiye kendi vatandaşları içün Ukraina ile sıñırdan keçüv qaidelerini qabul etecek – Lavrov


Rusiye Tış işler naziri Sergey Lavrov

Rusiye Federatsiyasınıñ Tış işler naziri Sergey Lavrov bildirdi ki, Rusiye Ukraina sıñırından keçecek vatandaşları içün ayrı qaidelerni kirsetecek. Rusiye tış işler naziri Sergey Lavrovnıñ Ukraina baş naziri Arseniy Yatsenükniñ Rusiye Federatsiyasınıñ vatandaşlarına yalıñız çetel pasportı ile sıñırdan keçmege imkân berecek qararından haberi bar. Yatsenükniñ bildirgenine köre, «bir vaqıtları bunı Rusiye prezidenti V.V.Putin teklif etken edi, şimdi ise Kiyev onıñ ricasını eşitti».

«Al-azırda bizler Rusiye Tış işler nazirliginiñ resmiy arizasını azırlaymız. A.P.Yatsenükniñ aytqanları – yañlıştır. Bizler Mustaqil devletler ittifağınıñ bir çoq memleketi ile vizasız rejimini saqlap qalıp, çetel pasportlar sistemasına keçemiz. Lâkin Ukrainada üküm sürgen vaziyetten sebep istisna yapmağa azırmız. Ukrain zenaatdaşlarımıznıñ haberi bar», – dep ayttı Sergey Lavrov.

Salı künü, fevral 3-te, Ukraina baş naziri Arseniy Yatsenük Ukraina Nazirler şurasınıñ qararını imzaladı. Vesiqağa binaen, 2015 senesi mart 1-den itibaren Rusiye vatandaşları Ukrainağa yalıñız çetel pasportları ile kirecekler.

XS
SM
MD
LG