Bugün Rusiyede Ukraina elçihanesine telefon etkeninden sebep devlet hainliginde qabaatlanğan yedi balanıñ anası Svetlana Davıdovanı apisten azat ettiler.
Bunı Radio Svoboda bildire.
Onıñ adliyecisi İvan Pavlov dey ki, qadın yaşağan yerini terk etmemek kerek.
Bugün Moskvada «Yabloko» muhalifet firqası Davıdovanı azat etmege çağırdı. Aktsiya Rusiyeniñ Federal havfsızlığı hızmetiniñ Lubânka meydanındaki baş binası yanında keçirildi.
40 000 insan Rusiye prezidenti Vladimir Putinge Svetlana Davıdovanı azat etmek muracaatını imzaladı.
Davıdova yaşağan Smolensk vilâyetiniñ Vâzma şeerinde onıñ aqayı, tatası, anası ve babasını sorğuğa çektiler.
Yanvar 21-de Smolensk vilâyetiniñ sakinine qarşı Ukrainağa fayda ketirmek maqsadı ile yapılğan devlet hainligi boyunca cinaiy işni açtılar. Svetlana Davıdova 2014 senesi aprel ayında Ukraina elçihanesine muracaatta bulunıp, evine yaqın olğan arbiy bölükte askerler körünmegenini bildirgen edi. Onıñ fikirince, arbiylerni Donetskke yolladılar.
