Birleşken milletler teşkilâtı (BMT) Ukraina şarqında üküm sürgen zıddiyetniñ qurbanlar sayısı 5358 insanğa qadar artqanını bildirip, taraflarnı vaziyet kerginleşmesini toqtatmağa çağıra.
Teşkilâtnıñ malümatına köre, 12 000 insan yaralandı.
BMT bildire ki, raqamlar «daa yüksek» ola bile.
BMT insan aqları yuqarı komissarı Zeyd Raad al-Huseyn bildirdi ki, eñ azından 224 adiy insan elâk oldı, 545 kişi uruşlar neticesinde yaralandı.
Keçken sene aprel ayından berli Donbassnıñ bir qısmında Rusiyege qoltutqan silâlı separatistler ve olarğa qoltutqan Rusiye ordularına qarşı terrorizm ile küreş tedbirleri devam etmekte. Resmiy olmağan şekilde Rusiyeniñ Ukrainağa qarşı cenki aqqında aytalar. Soñki aftalar devamında, boyevkilerniñ ukrain askerlerine kütleviy ücüm yapmağa başlağan soñ, Ukraina şarqındaki cebede vaziyet ğayet kergin oldı.
