Link açıqlığı

Qırımda bir künde 200 obyektni qanunlaştırdılar. «Prokuratura» meseleni çezmek kerektir


Qırımnıñ öz başına tayin etilgen baş naziri Sergey Aksönov «prokuraturadan» bir kün devamında Devlet mimarcılıq-qurucılıq nezareti inspektsiyası tarafından 200 obyektniñ qanunlaştıruvı ile bağlı vaziyetni çezmege talap ete.

Öz muracaatnı Aksönov fevral 3 künü Qırım «ükümeti»niñ Qurman rayonında keçirilgen toplaşuvında bildirdi, dep haber ete Qırım.Aqiqat.

«Tünevin, Devlet mimarcılıq-qurucılıq nezareti inspektsiyası dekabr 31 künü birden 200 obyektni qanunlaştırdı. Olardan otuz fayızı tamamınen yoq etilmek kerek», – dedi Qırım «başı».

O, Qırım nezaret müessiseni işbu areketlerniñ qanuniy olğanını teşkermege çağırdı.

XS
SM
MD
LG