Link açıqlığı

Rusiye studentleri Ukraina studentlerine yollanılğan video muracaatında Qırım demokratiyası aqqında tarif ettiler


«Ağ» Kreml belâğatı olğan teşkilâtına kirgen Rusiye studentleri Ukraina studentlerine muracaatnı yazıp, Ukrainada vatandaşlıq cenki ketkeni, «qanunsız avdarma» ve «Qırımda nezaketli insanlarnıñ yardımı ile keçirilgen demokratik saylavlar» aqqında tarif ettiler, haber ete Radіo Svoboda.

«İnanıñız ki, AQŞ ve Avropa Rusiyege nisbeten cezalar kirsetüviniñ sebebini pek yahşı añlaymız. Çünki Rusiye – aqiqaten demokratiya oğrunda kürşeken yekâne memlekettir, AQŞ ve Aropa ise dünyanı ekige böle», – deyler studentler.

Evel Ukraina aliy oquv yurtunıñ studentleri Rusiye studentlerine informatsion cenkke qarşı çıqmağa ve Rusiye matbuat vastalarınıñ uydurğan malümatını teşkermege çağırdılar.

Ukraina ve Ğarp Rusiyeni 2014 senesi mart ayında Qırımnıñ işğalinde, Donbasstaki separatistlerniñ desteginde qabaatlay. Moskva bu qabaatlarnı red ete. Rusiye Donbassta Rusiye arbiyleri yoq, «göñüllerniñ» ise bar olğanını bildire.

XS
SM
MD
LG