Link açıqlığı

Bağçasaray rayon istimal birligini qalın tayaqlarnı alıp kelgen insanlar tosmenge tuta


Bagçasarayda eki kün devamında yerli rayon istimal birligi bölüginiñ işi blok etile, mında fevral 2-den qalın tayaqaları olğan maskalı insanlar buluna.

Bunı Qırım.Aqiqatqa işbu adiseni ücüm olaraq adlağan paycılar aytıp berdiler.

Şaatlarnıñ sözlerine köre, fevral 2 künü saba saat 9-9:30, rayon istimal birliginiñ memuriyeti bulunğan binanıñ ekinci qatına qara arbiy kiyiminde, maskalı, qalın tayaqları ve «Qırım arslanları» (böyle serlevanı özlerine Qırım «halq imayesi» vekilleri taqqanlar) belgileri olğan insanlar sürip keldi. Olarnen birlikte iqtisadiy cinayet ile küreş boyunca militsiya bölügi de kelip yetti.

«Olar iş odalarını terk etmege talap ettiler. Qara urbağa kiyingen 120-130 insan ayatlarnı toldurdı. Kimseni kirsetmey ve işlemege bermeyler. Bir kimsenen qonuşmay, reberi kim ve yapqan areketleriniñ sebebini ögrenmege imkânsızdır», – dep tarif etti Bağçasaray rayon istimal birliginiñ şura reisi Margarita Levaşkina.

Onıñ sözlerine köre, bina yanında er vaqıt şirket paycıları buluna. Olar olayatqan adiselerni videoğa çeke.

«Rayon istimal birligimiz devlet mülki degildir. Şirketniñ hususiy yuridik statusı bar, şeer sakinleri onıñ paycıları ola. Şeerde büyük şamata qoptı, amma akimiyetten iç bir haber kelmey», – dey Levaşkina.

Reis aytqanı kibi, paycılarğa olarnıñ şirketi «Qırım ticariy şirketiniñ» qısmı olğanı ve bina yanında onıñ yañı yolbaşçılığı bulunğanı aqqınba dildirdiler.

Qırım.Aqiqat Bağçasaray yolbaşçılığından izaat alacaq edi, amma şeer memuriyetiniñ telefonlarına kimse cevap bermey.

XS
SM
MD
LG