Link açıqlığı

İnsan aqları boyunca Qırım alan missiyasınıñ uquqiy qabul odasına Rusiye pasportını elde etmegen qırımlılar telefon açıp, sürgünlik ya da diger problemlerniñ peyda olacağı ile bağlı qorqularını bildireler.

Bunı Qırım.Aqiqatqa missiya başınıñ muavini Olga Skripnik bildirdi.

«Şirketlerniñ bazı yolbaşçıları, Rusiye pasportını almasañız, işten boşatırmız, ya da mektep müdirleri ana-babalar Rusiye pasportını almasalar, balalarnı mektepten quvarlarlar kibi laflarnı aytalar», – dep tarif ete uquq qoruyıcı.

Onıñ sözlerine köre, vatandaşlıq mevamından vazgeçmegen ve Rusiye pasportını elde etmegen Qırım sakinlerini er ande çetel vatandaşı olaraq yarımadadan sürgün ete bileler.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG