Link açıqlığı

«Skrâbin» taqımınıñ fevral 2-de yol qazasında vefat etken solisti Andriy Kuzmenkonıñ mühlislerine Aqyarda yırcını añmağa bermediler.

«Argumentı nedeli – Krım» malümatına köre, tedbir iştirakçileri bir qaç çıraqnı yaqıp, cep telefonlarında taqımnıñ muzıkasını qoydılar.

Politsiya ve Taqiqat komitetiniñ hadimleri çıraqlarnı söndürip, bu yerden ketmege emir ettiler.

Planlaştırılğan körüşüv yerine saat yedilerde bir qaç adam keldi, lâkin politsiya hadimleri olarnı toqtatıp, vesiqalarnı teşkerip başladı. Yanında vesiqaları olmağan adamlar alâ daa militsiya ile subetleşeler.

Uquq qoruyıcılar foto ve video çıqarmağa bermeyler.

Bazarertesi künü, fevral 2-de, Dnepropetrovsk vilâyetinde yol qazası neticesinde «Skrâbin» rok-taqımınıñ lideri Kuzma olaraq meşur olğan Andriy Kuzmenko vefat etti.

XS
SM
MD
LG