«Qırım diasporası» cemaat teşkilâtı Kiyevde «Qırımnı sevemiz!» körüşüvlerini teşkil ete. Birinci tedbir 2015 senesi fevral 7-de keçirilecek.
Körüşüv Aluşta ve Ermeni Bazarğa bağışlanacaq. Musafirlerni Aluşta ve Ermeni Bazarnıñ tabiatı, tarihiy ve medeniy yadikârlıqları ile tanış etecekler, bu şeerlerden köçip kelgen insanlar da teşrif buyuracaq.
«Körüşüv çerçivesinde balalar içün viktorina ötkerilecek, büyükler ise pilâv pişirilmesini örgenecekler ve onıñ tadına da baqacaqlar! Aluştanıñ aşçısı Abdulmacit bizge yardım etecek», – dep bildireler teşkilâtçılar.
Bunıñ kibi tedbirler yıl devamında er ay keçirilecektir. Fevral ayında Aluşta ve Ermeni Bazar, mart ayında Bağçasaray ve Qarasuvbazar, aprel ayında ise Yaltağa bağışlanacaq ve il. Tedbirlerni tecribeli tarihçılar ve bu şeerlerniñ sakinleri azırlaylar.
