«Qırımtatarlarnıñ qarşılığı areketiniñ» koordinatorları Ukrainağa «Qırımtatarlarnıñ avdeti aqqında» qanunnı qabul etmege teklif eteler. Bu qanun qırımtatarlarnı Qırım yarımadasınıñ tamır halqı olaraq belgilemek kerek.
Bu aqqında Qırım.Aqiqatta olğan teşkilâtnıñ beyanatı metninde aytıla.
Teşkilât vekilleriniñ fikirince, «Qırımtatarlarnıñ avdeti aqqında» Ukraina Qanunınıñ işke tüşürilmesi «Qırım Cumhuriyetini» kibi cemaat-siyaset ıstılanı şübe altına qoyacaq, Ukraina Devletine «qırımtatarlar ögünde vazifelerniñ becerilmesi» aqqında ilân etmege imkân berecek ve Birleşken Milletler Teşkilâtınıñ Baş Assambleyası içün qırımtatarlarnıñ avdet olmaları aqqında rezolütsiyanıñ temeli olacaq.
«Qırımtatarlarnıñ qarşılığı areketiniñ» koordinatorı Nedim Halilov Birleşken Milletler Teşkilâtınıñ İnsan aqları şurasına muracaatta bulunıp, qırımtatar halqınıñ milliy toprağı olğan Qırım yarımadasını nezaret altına almağa rica etken edi.
