Link açıqlığı

Rusiyede Donbass içün 13-ünci «gumanitar konvoy» aqqında laf eteler.

Bunı Rusiye Fevqulâde vaziyetler hızmetiniñ yolbaşçısı Vladimir Puçkov bildire.

«Bizler qoşma konvoynı şekillendiremiz. Qurucılıq malzemeleri boyunca sımarışlar bar. Elbet de, bizler em ilâc, em de aşayt mahsulatını Donbassqa vaqtında alıp ketecekmiz», – dedi o.

Puçkovnıñ aytqanına köre, kolonna yaqın afta içinde Donbassqa yol ala bile.

Rusiye Fevqulâde vaziyetler hızmetiniñ yolbaşçısı qayd ete ki, bu mevzuda fevqulâde vaziyetler nazirligi Qızıl Haç komiteti ve OSCE ile işbirlik tuta.

«Bizler bütün meselelerni Qızıl Haç Komiteti ile muzakere etemiz, OSCE ve ukrain zenaatdaşlarımız ile işbirlik tutamız», – dedi o.

12 «gumanitar konvoy» Ukrainağa ketirildi. Rusiye akimiyeti bildire ki, anda yalıñız aşayt mahsulatı, ilâc ve birinci ihtiyac malları bar edi.

Birleşken Milletler Teşkilâtı Rusiyeden «gumanitar konvoy» içinde olğan bütün malnıñ cedvelini talap etken edi.

Rusiyeniñ doquzıncı «gumanitar konvoyı» yük maşinaları ve benzin maşinalarından ibaret edi.

XS
SM
MD
LG