Link açıqlığı

Saatnıñ esas haberi

Merkel: Almaniya Ukrainağa silâ bermeycek


Angela Merkel
Angela Merkel

Almaniya kantsleri Angela Merkel bildire ki, Almaniya Ukrainağa silâ bermeyip, memleket şarqında yaqın zamanda barışıq olmasınıñ tarafdarı ola.

Bunı Radio Svoboda bildire.

Merkel bugün Budapeştte çıqışta bulunıp, Ukraina zıddiyetiniñ diplomatik al etilmesine qoltuttı. Onıñ aytqanına köre, «mesele cenk usulı vastasınen al etilemez».

Kantsler dedi ki, Almaniya Ukraina ordusına silâ bermeycek.

Birleşken Milletler Teşkilâtınıñ malümatına köre, Ukraina şarqındaki zıddiyet neticesinde aprel ayından berli 5,1 biñ insan elâk oldı.

Yanvar 31-de keçirilgen Minsk muzakereleriniñ neticesi olmadı, separatistler Kiyev körüşüvni boykot etti, dep bildirdiler. Ukraina ve OSCE deyler ki, boyevikler sentâbr ayında imzalanğan barışıq planınıñ esas meselelerini baqmağa istemediler.

XS
SM
MD
LG