Link açıqlığı

Aqyarda «Skrâbin» taqımınıñ vefat etken solisti Andriy Kuzmenkonıñ hatırasına kontsert keçirilecek.

Vkontakte içtimaiy ağındaki «Skrâbin» resmiy gruppasında peyda olğan ilânlarğa binaen, Kuzma ile Taras Şevçenko eykeli yanında (Ğalebe Parkı durağı) Moskva saatine köre saat 19:00 vedalaşacaqlar.

«Skrâbin» taqımınıñ aqyarlı mühlisleri Qırım.Aqiqat mühbirine bergen malümatlarına köre, kontsert keçirilmesi şeer akimiyeti ile muzakere etilmegen, bu sebepten adamlar «tituşkalar», uquq qoruyıcı organlar ve kazaklar birleşmeleri tarafından provokatsiyalar ola bilecek, dep qorqalar.

Aynı vaqıtta, mühlisler deyler ki, bir şeyge baqmadan, vedalaşuv kontserti ötkerilecek.

Bazarertesi künü, fevral 2-de, Dnepropetrovsk vilâyetinde yol qazası neticesinde «Skrâbin» rok-taqımınıñ lideri Kuzma olaraq meşur olğan Andriy Kuzmenko vefat etti.

Bunıñ kibi kontsertler mühlisler tarafından bütün Ukrainada keçirilecek.

XS
SM
MD
LG