Link açıqlığı

Qırım müftisi Bağçasaray akimiyetini şeerniñ diniy inşaatlarını abadanlaştırmağa çağıra


Qırım müftisi Emirali Ablayev Bağçasaray rayon şurasınıñ yañı yolbaşçısı Refat Derdarovğa Bağçasaray camileriniñ tamiri ve abadanlaştıruvına yardım etmege rica etti.

Bunı Qırım musulmanları Diniy idaresiniñ matbuat hızmeti bildire.

Beyanatta aytıla ki, «Han-Çair» camisiniñ musulmanlar kendi imkânlarına köre qurğan qora, «Tahtalı-Cami» tarihiy camisiniñ kirişinde olğan demir beton elektrik tiremesiniñ alınması ve Bağçasaraynıñ Hanlar sarayındaki Büyük Han-Caminiñ dam tamiri aqqında laf kete.

Bağçasaray rayon şurasınıñ reisi Refat Derdarov qayd etilgen meselelerde yardımcı olmağa vade etti.

Malüm olğanı kibi, aprel 24-te Qarasuvbazar rayonında cuma camini açacaq olalar. Onıñ minare yükseksigi 33 metrni teşkil ete, leyha işlerini ise qırımtatar mimarları keçirdiler.

XS
SM
MD
LG