Ukraina baş prokuraturası 2013 senesi noyabr 30-na keçer gecesi Kiyevdeki Mustaqillik Meydanında adamlarnıñ dağıtılmasına alâqası olğan insanlarnıñ adlarını ögrendi.
Bunı Ukraina baş prokurorı Vitaliy Yarema bildirdi.
Onıñ aytqanına köre, bugün cinayetniñ teşkilâtçıları ve ömürge keçirgenler belli.
«Berkut» bölüklerinde reber vazifelerini alğan dört komandan aqqında laf kete, olarnıñ bundan haberi bar. Bu qanunsız areketlerniñ teşkilâtçıları sabıq içki işler naziri Vitaliy Zaharçenko, onıñ muavinleri, em de paytahta militsiyasınıñ reberleri ediler. Bu şahıslarğa nisbeten taqiqat tedbirleri keçirilmekte», – dep bildirdi prokuratura.
Baş prokuratura narazılıq aktsiyalarınıñ dağıtılması boyunca cinayet shemasını aydınlatqan edi. Onıñ merkezinde – sabıq prezident Viktor Yanukoviç.
