Ukraina Prezidenti qırımtatarlarnıñ işlerinden vekâletlisiniñ ofisi Qırım mektepleriniñ mezunlarına Tışqı mustaqil imtiannı bermek içün Halqara ukrain mektebine distantsion tasilge keçmege tevsiye ete.
«Oquv yurtunıñ qabul komissiyası online şeklinde arizalarnı qabul ete. Halqara ukrain mektebi devlet oquv yurtu olıp, bedava tasil bere. Talebeniñ ana-babası Ukraina tasil ve ilim Nazirligine mektüp yazıp, balanı Halqara ukrain mektebine qabul etmege rica etmeli», – aytıla beyanatta.
Qırım mezunları 2015 senesi mart 1-ne qadar qıtaiy Ukrainada yerleşken diger oquv yurtlarında da ğıyabiy oquşqa başlamaq içün ariza bere bileler. Berilgen malümatqa köre, 11-inci sınıf talebeleri fevral 10-na qadar ariza bermeli, çünki VNO qayd işleri yalıñız fevral 20 kününe qadar devam etecektir.
