Link açıqlığı

Herson vilâyetiniñ akimiyeti Qırım ile memuriy sıñırda «Çonğar» kiriş nezaret noqtasında kiriş-çıqış şaraitlerini Avropa standartlarına köre teşkil etecek ola.

Bunı Herson vilâyetiniñ başı Andriy Putilov bildirdi, denile memuriyet saytında.

Onıñ malümatına köre, işbu leyhanı ömürge keçirmek içün yatırımcılarnı celp etecek olalar. Bu maqsat ile kommunal şirketi teşkil etildi.

«Çonğar» kiriş noqtasında naqliyatnıñ oñaytlı qatnavı içün dört yolaqlı yolnı quracaq olalar. Bundan da ğaryı, musafirhaneler ve maşina turaqları açılacaqtır.

2014 senesi dekabrniñ soñunda Herson viyaletiniñ Geniçesk rayonındaki Çonğar köyü bütünley Ukraina nezareti altına keçti.

XS
SM
MD
LG