Link açıqlığı

Putinden Qırımda Tataristan Anayasası kibi yañı Anayasanı qabul etmege talap eteler


Qırımtatarlarnıñ milliy areketi Qırımda Tataristan Anayasası kibi yañı Anayasanı qabul etmek zaruriyeti aqqında bildire.

Mütenasip beyanatname ile Qırımtatarlarnıñ milliy areket vekilleri Rusiye Federatsiyasınıñ yolbaşçılığına muracaat etti.

Öz arizasında faaller Qırımda repressiyalarğa oğrağan halqlarnıñ aqlavı aqqında qanunlarğa riayet etilmesini talap eteler.

«Qırımda qırımtatar halqınıñ milliy devletçiligini, Tataristan Cumhuriyetinde olğanı kibi, aq ve vekâletli cumhuriyet tarzında tiklemek», – denile beyanatta.

Böyleliknen, areket vekilleri Rusiye akimiyetini siyasiy iradesini köstermege çağıra.

«Siz kerçekten de Stalin rejiminiñ halqlarğa nisbeten etilgen cinayetlerini takbih etseñiz ve cinaiy asabalıqtan qatiyen vazgeçseñiz, demek siyasiy iradeñizni kâğıtta degil de, amelde kösteriñiz, qırımtatar halqına nisbeten tarihiy adaletni qaytarıñız»,– denile beyanatta.

Bundan evel qırımtatar milliy areketi Yaltada «Büyük üçlükke» (İ.Stalin, F. Ruzvelt, U.Çerçil) abideniñ tiklenmesine qarşı çıqtı.

Rusiye prezidenti Vladimir Putin Qırım yarımadasınıñ işğalinden soñ sovet zamanları repressiyalarğa oğrağan qırımtatarlarnıñ ve diger halqlarnıñ aqlavı aqqında fermannı imzalağan edi.

XS
SM
MD
LG