Link açıqlığı

Saba, fevral 2 künü, Keriç keçitinde paromlarnıñ qatnavı ğayrıdan başlandı. Malüm olğanı kibi, ava şaraitleri sebebinden bazar künü keçitniñ işi toqtatılğan edi. Bu vaqıt içersinde yolcu ve yük yolaqlarında 1500-den ziyade maşina toplandı.

Bunı Yekâne naqliyat müdirliginiñ matbuat hızmeti bildire.

«Al-azırda Keriç keçitinde yel suratı 10 m/s yete», – deyler müeesisede.

Soñki malümatqa köre, «Kavkaz» limanında nevbette 420 yengil ve 90 yük, «Qırım» – 90 yengil ve 27 yük maşinası tura. Yük yolağında: «Novorossiysk» limanında – 217 maşina, Slavânsk-na-Kubani – 390, Keriç limanında – 310 maşina tura.

Soñki kün devamında 664 avto ve 2000 yolcu avuştırıldı.

XS
SM
MD
LG