Link açıqlığı

Bazar künü, fevral 1-de, Sovet Birliginiñ eki defa qaramanı Amet Han Sultan hatırasına Zaporojye vilâyetiniñ regional Meclisi Melitopolde Qırım semetdeşlerine destek numayışını keçirdi.

Bunı öz Facebook saifesinde yazıcı, tarihçı, Gülnara Bekirova bildire.

«Tedbir devamında Melitopolde yaşağan qırımtatarlar milliy areket faalleriniñ yaqalanmasına, ATR birinci ve yekâne qırımtatar telekanalına etilgen basqığa qarşı çıqtı ve Qırım tamır halqına nisbeten ayırım ve taqipni toqtatmağa çağırdılar», – dep yazdı o.

Yanvar 19 künü «mayıs 3 künü işi» boyunca Edem Osmanov yaqalana. Yanvar 23-de «Ermeni Bazar» kiriş noqtasında Federal Havfsızlıq Hızmeti ve Rusiye sıñır hızmeti faali Sinaver Kadırovnı yaqalap, Qırımdan sürgün eteler. Yanvar 29 künü Qırımtatar Milliy Meclis reisiniñ vazifelerini eda etken Ahtem Çiygoz apiske alına. Bundan soñ evinde tintüv keçirile. Bundan evel tintüv ATR qırımtatar telekanalında keçirile.

Qırım akimiyetini yarımada tamır halqına nisbeten ayırımnı toqtatmağa çağıralar, amma Qırım «ükümeti» qırımtatarlarğa etilgen basqını tanımay.

XS
SM
MD
LG