Link açıqlığı

Qırım akimiyetiniñ qaba qanunsızlığı yalıñız siyasiy negizde meydanğa kele.

Bu aqta temsiliy organınıñ matbuat hızmeti tarafından aşkâr etilgen Qrımtatar Milliy Meclis Prezidiumınıñ beyanatında aytıla.

«Qırımtatar Milliy Meclis azalarına ve qırımtatar milliy areket iştirakçilerine nisbeten basqınıñ yañı dalğası qırımtatar halqınıñ iradesini ve Qırımtatar Milliy Meclisi – Qırım tamır halqınıñ yekâne temsiliy organınıñ faalligini yoq etmek maqsadı ile yapıla», – denile beyanatta.

Beyanatta 2015 senesiniñ soñki vaqiaları añıla, şu cümleden yanvar 19 künü «mayıs 3 künü işi» boyunca Edem Osmanovnıñ yaqalanuvı. Yanvar 23-de «Ermeni Bazar» kiriş noqtasında Federal Havfsızlıq Hızmeti ve Rusiye sıñır hızmeti tarafından faali Sinaver Kadırovnıñ yaqalanması ve Qırımdan sürgün etilmesi. Yanvar 29 künü Qırımtatar Milliy Meclis reisiniñ vazifelerini eda etken Ahtem Çiygoz apiske alına. Bundan soñ evinde tintüv keçirile. Bundan evel tintüv ATR qırımtatar telekanalında keçirile.

«Qırımtatar Milliy Meclisi millet, din ve siyasiy noqtaiy nazarlarğa baqmayıp, Qırım tamır halqınıñ ve insan aqlarınıñ qoruvında öz izçen mevamı aqqında bildire», – denile prezidiumnıñ beyanatında.

Qırım akimiyetiniñ yarımada tamır halqına nisbeten etilgen areketleri uquq qoruyıcı ve diplomatik teşkilâtları da takbih ete. Ukraina Tış işler nazirliginde Çiygoznıñ azat etilmesini talap eteler, Türkiye Tış işler nazirliginde onıñ tevqifini takbih ettiler.

XS
SM
MD
LG