Link açıqlığı

Ukraina şarqındaki Lugansk vilâtinde bazar künü, fevral 1-ne keçer gecesi üç yerli sakin elâk oldı.

Popasnaya, Sçastye şeerleri ve Stanitsa Luganskaya qasabası ateş altında qaldılar. Bir qaç mesken ev viran etildi. Lugansk vilâyetiniñ valisi Gennadiy Moskvalniñ bildirgenine köre, regionda uruşlar devam etmekte, separatistler Ukraina askerlerine qarşı tank ve «Gradlarnı» qullanalar.

Donetsk vilâyetinde separatistler Debaltsevo şeeri, Peski qasabası, Petrovskoye köyü yanındaki ukrain ordusınıñ noqtalarına ateş açtılar. Mariupol civarındaki Vinogradnoye köyü de ateşke oğradı.

Radio Svoboda bildire ki, qanunsız «DNR» vekilleri keçken gece ukrain askerleri Donetskke ateş açqanlarını ayttılar. Separatistlerniñ malümatına köre, üç yerli sakin elâk oldı, 20 kişi yaralandı. Ukrain ordusı bunı red ete.

XS
SM
MD
LG