Link açıqlığı

Cumaertesi künü, yanvar 31-de, Donbassta ATO quvetleri tahminen 16 boyevikni yoq ettiler, daa 49 boyevikni yaraladılar, – dep haber ete ATO matbuat merkezi Facebook saifesinde.

Matbuat merkeziniñ bergen malümatına köre, eki kün devamında qanunsız silâlı birleşmelerniñ 145 adamı öldürildi, 380 kişi yaralandı. «Askerler duşmannıñ 2 tankı ve 11 cenk maşinasını yoq ettiler. Debaltsevo rayonında ukrain vatanperverleri üç topnı yoq ettiler», – aytıla haberde.

Malüm ki, Donetsk vilâyetiniñ Debaltsevo şeerinde cumaertesi künü, yanvar 31-den itibaren, Rusiye tarafında cenkleşken boyevikler tarafından açılğan ateş neticesinde 12 yerli sakin elâk oldı.

Ukraina baş naziri Arseniy Yatsenükniñ aytqanına köre, yanvar 31-de qurtarıcılar Debaltsevodan tahminen biñ kişini çıqardılar. Arbiyler tahliye telükesizligini temin ettiler, çünki adamlar ile avtobuslarğa ateş açıla.

XS
SM
MD
LG