Link açıqlığı

Saatnıñ esas haberi

Rusiye Avropa Şurasını terk etmeycek


Rusiye Avropa Şurasınıñ nazirler komiteti ve diger organlarnıñ işi, em de icra ve mahkeme akimiyetiniñ çeşit federal organları iştirak etken Rusiye-Avropa Şurası işbirligi programmalarınıñ ömürge keçirilmesinde iştirak etmege devam etecek. Bunı Rusiye Tış işler nazirliginiñ resmiy vekili Aleksandr Lukaşeviç PACE-de Rusiyeniñ rey bermek aqqı yoq etilgen soñ bildirdi, dep haber ete TASS.

Onıñ aytqanına köre, Avropa Şurasınıñ nizamnamesine binaen, bütün devletlerniñ AŞ bücetine bergen para keri alınmay.

«Şunı qayd etmek kerek ki, Rusiye Federatsiyası Almaniya, Frenkistan, İtaliya ve Büyük Britaniya ile beraber AŞ bücetiniñ 50% teşkil etken bergilerni töley, bu para ise Avropa Şurasınıñ işini, şu cümleden buhran olğanda da kefil ete», – dep ayttı Lukaşeviç.

Hatırlatamız, PACE reylerniñ ekseriyeti ile Rusiye eyyetini rey bermek aqqından marum etken soñ, Devlet dumasınıñ spikeri Sergey Narışkin bir yıldan soñ Rusiyeniñ Avropa Şurasından çıquv meselesi peyda ola bile, dep ayttı.

XS
SM
MD
LG