«Melez» cenkiniñ esas qaidesi: kütleviy haber vastalarını nezaret etken – adam ve topraqnı nezaret eter. Aynı bu sebepten işğalciler Rusiyeniñ Qırım işğaliniñ birinci künleri ukrain telekanallarını söndürdiler. Olarnıñ yerine ise Rusiye teşviqatçıları yayınlamağa başladı.
Bu afta bugünge qadar mustaqil olmağa tırışqan ATR qırımtatar telekanalında arbiyler tintüv keçirdiler. İleride ne olacaq? Ukraina Rusiye teşviqat maşinasını yeñmek içün ne yapmalı?
Qırım sessizlik toprağı olaraq – bu aqqında «24» haber telekanalında Qırım jurnalisti Aleksandr Yankovskiy alıp barğan «Qırım.Aqiqat» yayınında.
Studiya musafirleri – Tsentr jurnalistskih rassledovaniy haber agentliginiñ reberi Valentina Samar ve Qırımnıñ strategik tedqiqler institutınıñ eksperti Sergey Kostinskiy.
Programma cumaertesi künü saat 18:30 (Aqmescit saatine köre saat 19:30) ve bazar künü saat 11:30 (Aqmescit saatine köre saat 12:30) efirge çıqa. Radio Svoboda ve Qırım.Aqiqat saytlarında ise saat 18:30 (Aqmescit saatine köre saat 19:30) peyda olacaq.
Radio Svobodanıñ yañı leyhası – işğal etilgen Qırım vaziyetini bilmege istegen insanlar içün azırlandı.
