Link açıqlığı

Aksönov Girkinniñ aytqanlarını red etti: Qırım deputatlarını sessiyağa zorlap kirsetmediler


İgor Girkin

«Cumhuriyet «yolbaşçısı» Sergey Aksönov İgor Girkinniñ (Strelkovnıñ) aytqanlarını red etti. Girkinniñ bildirgenine köre, 2014 senesi fevral 27-de Qırım Yuqarı Radasınıñ deputatlarını «salonda cenkçiler topladılar».

«Er bir insan belli bir yerden başqasını köre. Mında kün tertibini Vladimir Konstantinov (o vaqıt cumhuriyet parlamentiniñ spikeri – muar.) da belgilegen edi. Birleşmede olğan 10 biñ insandan er birisiniñ rolüni belgilemek zordır. Bir şeyni 100% ayta bilem: deputatlarnı zorlap kirsetmey ediler, mında bir kimsege inanmañız», – dedi Aksönov «Kommersant FM» intervyüsında.

Alıp barıcınıñ, Girkinniñ (Strelkovnıñ) vazifesi neden ibaret edi sualine, Aksönov tam bir cevap bermedi: «Men rollerni ayırmağa istemeyim, belli bir sebepler ve incelikler bar».

Malüm ki, İgor Girkin (Strelkov), Rusiye vatandaşı ve resmiy Kiyev tarafından terroristik birleşme olaraq tanılğan «DNR» reberlerinden biri, «Neyromir-TV» Rusiye internet-telekanalında dedi ki, «cenkçiler» Qırım Yuqarı Radasınıñ deputatlarını «salonda toplamaq içün» olarnı zorlap ketirdiler. İçtimaiy ağlarnıñ qullanıcılar yayınnıñ bu qısmını ğayet faal sürette muzakere ettiler.

XS
SM
MD
LG