Bazarertesi künü, fevral 2-de, Kiyevde Qırımda söz serbestligi meselesini muzakere etecekler.
Bunı tedbirniñ teşkilâtçısı – İnsan aqları boyunca Qırım alan eyyeti bildire.
«Qırımda söz serbestligine basqı. Telükege qarşılıq yolları» serlevalı matbuat konferentsiyasında işğal etilgen Qırımda işke devam etken ukrain jurnalistlerine olğan telüke aşkâr etilecek.
«Qırımda işğalden berli söz serbestligine kösterilgen basqınıñ talili aydınlatılacaq. Faaller Ukraina grajdanlıq cemiyetiniñ yarımadada mustaqil jurnalistikanıñ saqlanılması içün yapqan areketleri aqqında tarif etecekler», – dep bildireler uquq qoruyıcılar.
Matbuat konferentsiyası Ukrainada Birleşken milletler teşkilâtınıñ inkişaf leyhası ve Danimarka tış işler nazirliginiñ, bunıñ ile İsveçre tış işler federal departamentiniñ yardımı ile keçirilecek.
Tedbir Kiyev vaqtı boyunca saat 11:30, Hreşçatik, 4 adresi boyunca yerleşken UNİAN agentliginde başlanacaq.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
