Link açıqlığı

Avropa birliginiñ tış işler nazirleriniñ şurası Rusiye tarafından işğal etilgen Qırımda ATR qırımtatar telekanalında keçirilgen politsiya tintüvini takbih ete, dep bildirde Radіo Svoboda.

Ukraina vaziyetine bağışlanğan nevbetten tış Avropa birligi Şurasınıñ toplaşuvı neticesinde aytılğanı kibi, bu areket qırımtatar halqını qorquzmaq ve yarımadada matbuat vastalarınıñ serbestligini sıñırlamaq maqsadı ile yapıldı. Bu sebepten, Şura kene de taraflarnı halqara uquq qoruyıcılarğa Ukrainanıñ bütün qısımlarına, şu cumlden Qırım ve Aqyarğa – olarnıñ işğalini AB tanımay ve takbih ete – tam, serbest irişimni temin etmege çağırdı, dep qayd etile vesiqada.

Avropa Birligi memleketleriniñ tış işler nazirleri Rusiyege nisbeten kirsetilgen cezalarnı sentâbr ayına qadar uzatmaq qarar aldılar. AB işbu cezalarnı arttırmaq imkâniyetini baqacaq ola.

Уanvar 26-da, ATR qırımtatar telekanalına silâlı insanlar sürip kirdi. Haberlerniñ acele yayınında alıp barıcı silâlı insanlar Aqmescitte yerleşken ATR qırımtatar telekanalına bir yıl devamında olıp keçken adiselerniñ video malümatını, şu cümleden, fevral 26 künü Qırım parlamenti divarları yanında keçirilgen mitingniñ videosını saqlağan bilgisayar serverini tutıp almaq içün kelgenini bildirdi.

XS
SM
MD
LG