Link açıqlığı

Saatnıñ esas haberi

Meclis reisiniñ muavinini yaqaladılar. Onı 10 yılğa qadar apis ete bileler


Ortada Ahtem Çiygoz – Qırımtatar Milliy Meclisiniñ reis muavini mitingde adamlarnı tınçlandırmağa tırışa, 2014 senesi fevral 26 künü
Ortada Ahtem Çiygoz – Qırımtatar Milliy Meclisiniñ reis muavini mitingde adamlarnı tınçlandırmağa tırışa, 2014 senesi fevral 26 künü

Aqmescitniñ Kiyev rayon mahkemesi Qırımtatar Milliy Meclisiniñ reis muavini Ahtem Çiygoznıñ cezasını belgilep, onı 2015 senesi fevral 19-na qadar apiske almağa qarar aldı, dep bildire Qırım.Aqiqat mühbiri. Mahkemede Qırım prokurorı Natalya Poklonskaya bar edi. Onıñ jurnalistlerge bergen malümatına köre, «Ahtem Çiygoznı Rusiye Federatsiyası Cinaiy kodeksiniñ 212-nci maddesiniñ 1-inci qısmına köre («kütleviy numayışlarnıñ teşkil etilmesi») qabaatlaylar ve bu madde 10 yıllıq apis cezasını belgiley».

Bundan ğayrı, Poklonskayanıñ aytqanına köre, Çiygoznı 2014 senesi fevral 26-da keçirilgen miting iştirakçileriniñ areketleri neticesinde elâk olğan eki kişiniñ ölüminde qabaatlaylar.

«Ahtem Çiygoz ağır bir cinayette qabaatlana. Bu Rusiye Federatsiyası Cinaiy kodeksiniñ 212-nci maddesidir. Ve, bu cinayetniñ neticesi olaraq, eki ölüm bar, em de farqlı yaraları olğan adamlar», – dedi prokuror.

Ahtem Çiygoznı 21 künge apiske aldılar
Bekleñiz, lütfen

No media source currently available

0:00 0:02:10 0:00

Malüm olğanı kibi, işğal etilgen Qırımda yaqalanğan Qırımtatar Milliy Meclisiniñ liderlerinden biri Ahtem Çiygoznı Aqmescitteki Turetskaya sokağındaki Merkeziy rayon mahkemesine ketirdiler. Mında onıñ cezası belgilenmek kerek edi. Lâkin birazdan onı Kiyev rayon mahkemesine alıp kettiler.

«Aqmescitniñ Merkeziy mahkemesi Çiygozğa nisbeten mahkeme keçirmek olarnıñ aqqı olmağanını bildirdi. Onı tekrar Kiyev rayon mahkemesine alıp kettiler. Biz de anda ketemiz. Eminmiz, Ahtem Çiygoznı yaqalaycaqlar. Bu qırımtatatar areketiniñ faallerini taqip etmesiniñ devamıdır», – dep qayd etti Qırımtatar Milliy Meclisiniñ reis muavini Nariman Celâl.

Ahtem Çiygoz yanvar 29-da yaqalandı. Rusiye Taqiqat komitetiniñ resmiy vekili Vladimir Markin bildire ki, Çiygoznı «kütleviy numayışnı teşkil etüv ve iştirak etüvde» şekleyler.

Onıñ aytqanına köre, 2014 senesi fevral 26-da Aqmescitteki Qırım parlamentiniñ binası yanında keçirilgen narazılıq aktsiyası aqqında laf kete.

Qırımtatar Milliy Meclisiniñ reisi Refat Çubarov Çiygoznıñ yaqalanmasını izaatlap, Qırımda qırımtatar milliy areketiniñ faallerine yapılğan basqınıñ yañı basamağı başlanğanını ayttı.

Qırım.Aqiqatnıñ video malümatlarına köre, Ahtem Çiygoz miting vaqtında tedbir iştirakçilerini tınçlandırğan edi.

(Video 2014 senesi fevral 26-da çıqarıldı)

Çiygoz fevral 26-da olıp keçken mitingde adamlarnı tınçlandırğan edi
Bekleñiz, lütfen

No media source currently available

0:00 0:01:23 0:00

XS
SM
MD
LG