Link açıqlığı

Saatnıñ esas haberi

Türkiye tış işler nazirligi ATR telekanalına nisbeten basqını takbih etti


Türkiye tış işler nazirligi ATR telekanalına nisbeten etilgen basqını takbih etti. Bu aqta onıñ resmiy saytında aşkâr etilgen beyanatında yazıla.

Türkiye tış işler nazirliginde telekanalağa Qırım uquq qoruyıcı organları tarafından kösterilgen basqı matbuat serbestliginiñ bozuluvı olğanını qayd eteler.

Türkiye tış işler nazirliginiñ beyanatında yazılğanı kibi: «ATR telekanalınıñ – qırımtatarlar içün çalışqan yekâne televizion kanalınıñ mania, basqı ve qorqutuvsız yayınlavınıñ devam etmesi Qırımnıñ tamır halqı olğan soydaşlarımıznıñ haber almaq aqqıdır. Türkiye öz mevamını er vaqıt demokratik yollardan ifade etken soydaş qırımtatarlarnıñ aqlarını qorçalamağa ve olarnıñ vaziyetini taqip etmege devam etecektir».

İşbu beyanatnıñ vastası ile Türkiye Qırımda yanvar 26 künü ATR qırımtatar telekanalında keçirilgen tintüvge öz munasebetini bildirdi.

Уanvar 26-da, ATR qırımtatar telekanalına silâlı insanlar sürip kirdi. Haberlerniñ acele yayınında alıp barıcı silâlı insanlar Aqmescitte yerleşken ATR qırımtatar telekanalına bir yıl devamında olıp keçken adiselerniñ video malümatını, şu cümleden, fevral 26 künü Qırım parlamenti divarları yanında keçirilgen mitingniñ videosını saqlağan bilgisayar serverini tutıp almaq içün kelgenini bildirdi.

XS
SM
MD
LG