Link açıqlığı

Qırımda Apple şirketiniñ yañartuvı ve programmaları artıq yüklenilmey


Aqmescitte Apple reklama levhası ve Lenin abidesi, 2015 senesi yavanr 22

Qırımda Apple şirketiniñ mahsulatı içün paralı yañartuvlar artıq işlemey.

Yañartuv yüklenilgende: «Avropa Şurasınıñ №1351/2014 qararı ve AQŞ prezidentiniñ №13685 avalesine köre, regionıñızda ödev yapılmay» kibi bildirüv çıqa.

Evel bildirilgeni kibi, Google internet-şirketi fevral 1-den Rusiye tarafından işğal etilgen Qırımda Google Play tükânına irişimni sıñırlaycaq.

İşbu qarar Qırımğa nisbeten AQŞ ve Avropa birliginiñ kirsetilgen cezaları ile bağlı.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG