Link açıqlığı

«Qırım demir yolu» ukrain «sıñırına» qatnağan trenlerni lâğu etti


Aqmescitniñ boş vokzalı, 2015 senesi yanvar 19

«Qırım demir yolu» şirketi Aqmescit-Canköy ve Canköy-Ermeni Bazar trenlerini lâğu etti. Bu aqta şirketniñ matbuat hızmetinde aytıla.

İşbu qararnı «yolcularnıñ aqımını ve masraflarnı qısqartmaq» maqsadı ile alğanlar. Şu cümleden, №602/601, №604/603, №606 ve №605 Aqmescit – Canköy, ve № 610/609 Canköy – Ermeni Bazar trenleri lâğu etildi.

Aqmescit – Canköy trenlerinde yol fiyatı 800 rublege yete edi.

Şimdi Aqmescit vokzalından tek bir tren Moskvağa yüre (Keriçten).

Dekabr 27-den «Ukrzalіznitsâ» Qırım ile demir yol alâqasını toqtattı, em de yarımadağa qatnağan halqara trenlerni lâğu etti. Qırım yönelişinde trenler endi yalıñız Novoalekseyevka ve Hersonğa qadar bara.

Bundan soñ «Qırım demir yolu» tarafından Aqmescit-Canköy, Canköy-Ermeni Bazar trenleri qatnamağa başladı.

XS
SM
MD
LG