Link açıqlığı

Poklonskaya ekstremizm sebebinden cinaiy işlerniñ açılması içün taqiqat organlarına 6 işni teslim etti


Natalya Poklonskaya

Qırım «prokurorı» Natalya Poklonskaya işke başlağanından berli taqiqat organlarına ekstremizm sebebinden cinaiy işlerniñ açılması içün 6 malümatnı teslim etti. Bunı o, Qırımda ekstremizm ile küreş meseleleri boyunca iş taqımınıñ toplaşuvında bildirdi, haber ete Krıminform.

Poklonskaya bildirdi ki, işbu malümatlar arasında RF CK 280 madde, 2-nci qısmı (Rusiye Federatsiyasınıñ topraq bütünlginiñ bozuluvına çağıruv), 239 madde 2-nci qısmı (vatandaşlarnıñ şahıs ve aqlarına iddia etken teşkilâtlarnıñ teşkil etilmesi), 282 madde, 2-nci qısmı (nefret ya da duşmanlıqnıñ doğuruvı), 282 madde, 3-nci qısmı (ekstremist faaliyetiniñ maliyeviy destegi) ve 212 madde, 1-nci qısmında (kütleviy nizamsızlıqnıñ teşkil etilmesi) qayd etilgen cinayetler aqqında malümat bardır.

«İşbu malümatlar arasında – qayd etilmegen teşkilâtnıñ üç koordinatorı tarafından qanunsız areketlerniñ etilmesi boyunca malümat, ve bıltır Qırımda eki insannıñ ölümine ve altı vatandaşnıñ yaralanuvına sebep olğan kütleviy nizamsızlıqta iştirak etken şahıslarğa nisbeten malümat bar», – dedi Poklonskaya.

Söz 2014 senesi fevral 26 künü Qırım Yuqarı Şurası ögünde qırımtatarlarnıñ ve diger faalleriniñ iştiragi ile keçirilgen miting aqqında kete.

Prokuraturanıñ malümatına köre, 2014 senesi prokuror teşkerüvlerniñ malümatına binayen, 4 cinaiy iş açılğan edi.

XS
SM
MD
LG