Azerbaycan, Ermenistan, Qıbırz ve Sırbistan eyyetleri, bunıñ ile Avstriya, İsveçre, Felemenk, Hırvatistan ve Türkiye vekilleriniñ büyük bir qısmı Avropa Şurası Parlament Assambleyasında Rusiyeni rey berüv aqqından marut etmege teklifke qol tutmadılar. Bunı PACE saytında aşkâr etilgen malümat tasdiqlay, dep yaza Ukrainskaya pravda.
İşbu memleketlerniñ arasında çoqusı, AQŞ ve Avropa birliginiñ cezalarına baqmadan, Rusiye, ya da işğal etilgen Qırım ide alâ daa ticariy munasebette buluna.
PACE qaideleri boyunca Rusiye eyyeti rey berip olamay, çünki rezolütsiya onıñ memleketine aittir.
Rusiyeniñ rey berüv aqqını almaq kibi teklifke 148 deputat qol tuttı, 64 – qarşı çıqtı. Rezolütsiya boyunca – 160 – qol tuttı, 42 – qarşı.
