Link açıqlığı

Qırımda musulman teşkilâtlarından iç biri Rusiye qanunlarına köre qayd etilmedi


Al-azırda Qırımda Rusiye Federatsiyasınıñ yuridik alanında bir musulman teşkilâtı bile qayd olunmadı. Bunı «Qırımtatarlar ve Rusiye: integratsiya yolları» mevzusında keçirilgen tögerek masada Qırım medeniyet «nazirligi»niñ din meseleleri boyunca bölüginiñ reberi Aleksandr Selevko bildirdi. Bu aqta haber «Milliy Firqa» qırımtatar cemaat teşkilâtınıñ saytında berile.

«Bu mesele acele al etilmek kerektir. Mart ayında fevqulâde bir vaziyet ola bile, yani musulman cemiyetleriniñ yuridik qaydı olmağanından sebep camiler ışıq, gaz, suvsız qala bile, çünki şimdiki saipleri haberdar olmayıp, ya da siyasiy mevamları sebebinden teşkilâtlarnı, Rusiye qanunlarına köre, qayd etmedi. Bunıñ aqibetlerini kimsege añlatmağa kerekmey...», – dep añlattı Selevko.

Qırım ve Ukrainada qayd etilgen islâm cemiyetleriniñ esabında mart ayında saipsiz qala bilecek yüzden ziyade bina bardır.

XS
SM
MD
LG