Link açıqlığı

Qırım tibbiy universitetiniñ rektorı Anatoliy Babaninni resmiy şekilde işten boşattılar


S.İ.Georgiyevskiy adına Qırım devlet tibbiy universitetiniñ binası

Sergey Aksönov S.İ.Georgiyevskiy adına Qırım devlet tibbiy universitetiniñ rektorı Anatoliy Babaninni resmiy şekilde işten boşattı. Bu aqqında Qırım ükümeti «yolbaşçısınıñ» buyruğında aytıla.

Böyle qararnıñ sebebi Rusiye Federatsiyası Emek kodeksiniñ 81-inci maddesiniñ 4-ünci noqtası oldı – «müessiseniñ mal-mülk saibiniñ deñişmesi (teşkilât reberi, onıñ muavinleri ve baş muasebecige nisbeten)».

Tibbiy universitetniñ yañı reberi tibbiy ilimler doktorı, oftalmolog Nana İvanova olacaq. Bundan evel o, oftalmologiya ve otolaringologiya kafedrasınıñ müdiri edi.

Malüm ki, işğal etilgen Qırımda studentler ve ocalar istemese de, Qırım tibbiy universitetini işğalci akimiyet tarafından qurulğan Federal universitet terkibine kirsettiler.

Qırım tibbiy universitetiniñ reberligi Rusiye akimiyetiniñ qararına baqmadan, mustaqil bir aliy oquv yurtı olmağa qarar aldı.

Georgiyevskiy S.İ. adına Qırım devlet tibbiy universitetiniñ studentleri yıllardır aliy oquv yurtınıñ rektorı olğan Anatoliy Babaninniñ işten boşatılmasına menfiy qıymet kesip, narazılıq aktsiyasına çıqmağa azır olğanını bildirdiler.

XS
SM
MD
LG