Amerika Qoşma Ştatları Ukraina şarqında infrastrukturanıñ ğayrıdan tiklenmesi leyhalarına, em de ayrı naqliyat saalarınıñ inkişafına maddiy ve tehnikiy yardım köstermege azır. Bunı Ukraina infrastruktura Nazirliginiñ matbuat hızmeti bildire.
Beyanatqa binaen, bunı AQŞ Ukrainadaki elçisi Geoffrey Pyatt Ukraina infrastruktura naziri Andrey Pivovarskiy ile körüşüvinde bildirdi.
«Geoffrey Pyatt Ukraina tarafına AQŞnıñ Ukraina şarqında infrastrukturanıñ ğayrıdan tiklenilmesi leyhalarına, em de ayrı naqliyat saalarınıñ inkişafına maddiy ve tehnikiy yardım köstermege azır olğanını ayttı», – dep haber ete nazirlik.
Bundan ğayrı, nazirlikniñ vekilleri bergen malümatına köre, Pyatt ve Pivovarskiy körüşip, eki tarafnıñ «açıq kök» esasında ava taşımaları ükümetlerara Añlaşmasınıñ tizilmesine qoltutqanını tasdıqladılar.
