Ukraina prezidenti Petro Poroşenko Rusiye prezidenti Vladimir Putinge cevap berip, Ukraina tarafı «Minsk añlaşmalarınıñ riayet etilmesine bütünley qoltutqanını» bildirdi. Bunı ZN.ua haber etip, 2015 senesi yanvar 25-te yazılğan mektüp metnini derc ete.
Poroşenko hatırlattı ki, yanvar 21-de Berlinde «norman formatında» keçirilgen Tışqı işler nazirleriniñ körüşüvinde Rusiye naziri Lavrov «Rusiye tarafınıñ Minsk añlaşmalarına riayet etkenini» bildirgen edi.
Bundan evel neşir Vladimir Putinniñ Ukraina prezidentine yollağan mektübini derc etti. Rusiye prezidenti silânı çeküv meselesinde Minsk añlaşmalarına riayet etmege çağırğan edi.
