Yanvar 26-da Moskvada Federal havfsızlıq hızmetiniñ binası yanında Nadejda Savçenkoğa qoltutmaq içün keçirilgen aktsiyada iştirak etken adamlarnı 10 künden 45 künge qadar apiske aldılar. Bunı UNİAN bildire.
«Aktsiyanıñ dört iştirakçisini mahkemeden soñ mahsus penitentsiar müessisege alıp kettiler. Oleg Yelançik 15 künge apiske alındı, bundan evel iç bir memuriy mesüliyetke çekilmegen Yuliya Javoronkova 15 künge apiske alındı, Vera Lavreşina – 10 künge qadar. 19 yaşında student Aleksandr Şelkovenkov «rekord» 45 künlik apis cezasını aldı», – dep tarif ettiler aktsiyanıñ teşkilâtçıları.
Aktsiya iştirakçilerini Rusiye Federatsiyası Cinaiy kodeksiniñ 19.3 maddesi boyunca – politsiya hadimlerini boysunmaması ve 20.2 maddesiniñ 8-inci qısmı boyunca – nizam bozulması ya da toplaşuv, miting, numayış, yürüş ya da piket ötkerilmesi – apiske aldılar.
Yanvar 26-da Ukrainada ve dünyanıñ farqlı memleketlerinde Moskva SİZOsında açlıq tutqan Nadejda Savçenkoğa qoltutuv mitingleri olıp keçti.
