Link açıqlığı

Rusiye 2015 senesi ükümetniñ çarşenbe künü aydınlatqan «buhran ile küreş planı» çerçivesinde masraflarnıñ 10 fayızını qısqartacaq. Bu adım içtimaiy ve mudafaa alanından ğayrı, er bir saağa tesir etecektir.

Aynı böyle sıñırlar Rusiyeni 2016 ve 2017 seneleri de bekley.

Rusiye baş naziri Dmitriy Medvedevniñ aytqanına köre, «buhran ile küreş planının» maqsadı – «makroiqtisadiy ve içtimaiy istiqrarnıñ qoltutuvı, iqtisadiyat ilerilemesiniñ şaraitler yaratılmasıdır».

Programma çerçivesinde diger tedbirler arasında – 3,7 milliard dollar Rusiye banklarına, em de 700 million dollar agrar alanınıñ yardımına berilmesidir.

Bu afta Standard & Poor's halqara reyting agetligi Rusiyeniñ derecesini yatırımdan tış seviyege qadar alçaqlatıp, oña da «çöplük» deyler, on yıldan ziyade bir müddet devamında ilk sefer ilerideki deñişmeler boyunca menfiy tahminlerni aydınlattı.

Ukrainağa qarşı istilâ ile bağlı Ğarp cezaları ve Rusiye bücetine kâr ketirgen cermay fiyatınıñ ucuzlamasından sebep Rusiye iqtisadiy retsessiya havfı altında qaldı.

XS
SM
MD
LG