Rusiye ava şirketleriniñ bazıları yanvar 28 künü «Aqmescit» ava limanına ava seferlerini, olarğa ihtiyac olmağanı sebebinden, lâğu etti.
Bunı akimiyetke yaqın olğan Krıminform saytına Qırım naqliyat «naziri» Anatoliy Tsurkin añlattı.
«Avataşıyıcı qoşma seferlerni açqan edi, amma biletler satılmağanı sebebinden olar lâğu etildiler. Şirket уаlıñız bir seferni qaldırdı», – añlattı o.
Bunıñ ile memur şunı da qayd etti ki, lâğu etilgen seferlerge biletlerni alğan yolcular zarar körmedi.
Çarşenbe künü, yanvarniñ 28-de, Rusiye ava şirketleri «Aqmescit» ava limanından 8 seferni ve Qırım paytahtına – 10 seferni lâğu etti.
