2014 senesi mart 16 künü Qırımda keçirilgen «referendum» Ukraina Anayasasınıñ 138-nci madde, 2-nci qısmı «Qırım Muhtar Cumhuriyeti» bölügine riayet ete edi, dep bildirdi Rusiye Federatsiyası Prezidentiniñ «Qırım Cumhuriyetindeki daimiy temsilcisi» ve Qırım «baş nazir muavini» olğan Georgiy Muradov.
Bu aqta malümat Qırım «ükümetiniñ» saytında aşkâr etilgendir.
«Raqiplerimiz, olarnı diqqat ile diñleyim, Qırımnıñ Ukrainadan qanunsız sürette çıqqanı ve Rusiye tarafından Qırımnıñ işğali aqqında söz yürseteler. Bütünley yañlış mevam, yañlış tarih. İç bir qanunsız areket yoq edi, er şey bu madde ve bu bölükke köre keçirildi. Oña köre Qırım Cumhuriyetine hususiy bir aq berile, şu cümleden şahsiy referendumlarnıñ keçirilmesine de, olarnı yasaq etken nasıldır bir qaideler mında yazılmağandır. Bunı körmege istemeyler», – dedi o RİA Novosti agentligine.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
